മോങ്ങം: തിരഞ്ഞെടുപ്പ് പ്രചാരണ രംഗത്ത് ആരവും ആവേശവും പകരാന് ഒരു വീഡിയോ ആല്ബം പുറത്തിറക്കിയിരിക്കുകയാണ് മോങ്ങത്തെ ഏതാനും ലീഗ് പ്രവര്ത്തകര് . “മരതക മകുടം” എന്ന പേരിലുള്ള ഈ ആല്ബത്തില് വ്യത്യസ്ഥ തരത്തിലുള്ള ആറ് പാട്ടുകളാണ് ഉള്പ്പെടുത്തിയിട്ടുള്ളത്. മോങ്ങം സ്വദേശികളായ ഖമറുല്ഹുദയും ആശിഖ് ഹാനും ചേര്ന്ന് രചന സംഗീതം സംവിധാനം എന്നിവ നിര്വഹിച്ച ഈ പൊളിറ്റിക്കല് വിശ്വല് ആല്ബത്തില് കോട്ടയം നസീറും, പട്ടുറൂമാല് ഗായകന് അന്വര് വടകരയും,ഖമറുല് ഹഖുമാണ് ഗാനങ്ങള് ആലപിച്ചിരിക്കുന്നത്. ഖമറിന്റെ സഹോദരന് ഫഹദാണ് ആല്ബത്തിന്റെ നിര്മ്മാതാവ്.
മുസ്ലിം ലീഗിന്റെ ചരിത്രം, പാണക്കാട് തങ്ങളുടെ വിയോഗം, കുഞ്ഞാലിക്കുട്ടി സാഹിബിന്റെ നേത്രത്വ പാടവം എന്നിവ വിവരിക്കുന്ന ആല്ബം തുടങ്ങുന്നത് ലീഗ് പ്രവര്ത്തകരുടെ രക്തം തിളപ്പിക്കുന്ന ഒരു പവ്വര് ഫുള് ഗാനത്തോടെയാണ്. തങ്ങളുടെ പിതാവ് പി.കെ.മുഹമ്മദ് ഹാജിയുടെ പ്രിയപെട്ട പാര്ട്ടിയായ മുസ്ലിം ലീഗിനു ഞങ്ങള് നല്കുന്ന സമ്മാനമാണിതെന്നും ഇതില്നിന്ന് യാതൊരു സാമ്പത്തിക ലാഭവും പ്രതീക്ഷിക്കുന്നില്ല എന്നും ഖമറുല് ഹുദാ പറഞ്ഞു.
ഇങ്ങിനെ ഒരു സംരംഭവുമായി മുന്നിട്ടിറങ്ങിയ ഞങ്ങള്ക്ക് മോങ്ങത്തെ ചില പ്രാദേശിക ലീഗ് നേതാക്കളുടെ ഭാഗത്ത് നിന്ന് വളരെ മോശമായ സമീപനമാണ് നേരിടേണ്ടി വന്നതെന്ന് സംവിധായകന് ഖമറുല് ഹഖ് ആരോപിച്ചു. സഹകരിക്കുകയും പ്രോത്സാഹിപ്പികുകയം ചെയ്യേണ്ടിയിരുന്ന അവരൊന്നും സഹായിച്ചില്ലെങ്കിലും ഉപദ്രവിക്കാതിരുന്നാല് ഞങ്ങള്ക്കിത്ര സങ്കടം വരില്ലായിരുന്നെന്നും അദ്ധേഹം പറഞ്ഞു. എന്നാല് പലരും അവഗണിച്ചപ്പോഴും ടി.പി.റഷീദ് നല്കിയ സഹായം ഞങ്ങള് നന്ദിയോടെ ഓര്ക്കുന്നെന്നും ഖമറ് അനുസ്മരിച്ചു.
മുസ്ലിം ലീഗിനു വേണ്ടി ഒരു വീഡിയോ ആല്ബം പുറത്തിറക്കാന് ശ്രമിച്ച ഞങ്ങള്ക്ക് പാര്ട്ടിയുടെ പ്രാദേശിക നേതാക്കന്മാരില് നിന്ന് നേരിട്ട കൈപ്പേറിയ അനുഭവങ്ങള് കഥാ പ്രസംഗ രൂപത്തിലോ ഡോക്യുമെന്റ്രി രൂപത്തിലോ പുറത്തിറക്കി സമൂഹ മധ്യത്തില് തുറന്ന് കാണിക്കുമെന്നും ഖമറുല് ഹഖ് “എന്റെ മോങ്ങം ന്യൂസ് ബോക്സി”നോട് വ്യക്തമാക്കി.
nb..jpg)
മോങ്ങത്തെ ലീഗിനെ ചില പ്രാദേശിക നേതാക്കന് മാര്ടേ വാലില് നീനും കെട്ടഴിച്ചു വിടേണ്ട കാലം അതിക്ര്മിച്ചിരിക്കുന്നു
Abdul Rasheed Mongam