മോങ്ങം: മൊറയൂര് മഹാ ശിവ ക്ഷേത്രത്തോടനുബന്ധിച്ചുള്ള ദേവീ ക്ഷേത്രത്തിന്റെ മേല്ക്കൂരയുടെ ഒരുഭാഗം കത്തിനശിച്ചു. മേല്ക്കൂരയുടെ വടക്കുപടിഞ്ഞാറ് മൂലയിലാണ് തീപ്പിടിത്തമുണ്ടായത്. വെള്ളിയാഴ്ച പുലര്ച്ചെ ക്ഷേത്രത്തിലെത്തിയ ശാന്തിക്കാരന് നാരായണന് നമ്പൂതിരിയാണ് തീ കണ്ടത്. മേല്ക്കൂരയുടെ മൂലക്കഴുക്കോല്, ഉത്തരം, പട്ടിക തുടങ്ങിയവ പുകഞ്ഞു കൊണ്ടിരിക്കുകയായിരുന്നു. ഉടന്തന്നെ നാട്ടുകാര് ചേര്ന്ന് വെള്ളമൊഴിച്ച് തീ കെടുത്തി. ഈ ഭാഗത്തെ ഓടുകള് പൊട്ടിനശിച്ചു.
ക്ഷേത്രത്തില് ശനിയാഴ്ച അഖണ്ഡനാമയജ്ഞം നടക്കുന്നുണ്ട്. കഴിഞ്ഞ വെള്ളിയാഴ്ച റോഡരികിലുള്ള ക്ഷേത്രഭണ്ഡാരം കുത്തിത്തുറക്കാന് ശ്രമം നടന്നിരുന്നു. ശ്രീകോവിലിനടുത്തുള്ള വാതിലുകള് തുറന്നിട്ടിരുന്നതായും ഭാരവാഹികള് പറഞ്ഞു. പക്ഷേ സാധനങ്ങളൊന്നും നഷ്ടപ്പെട്ടിരുന്നില്ല.
എസ്.പി കെ. സേതുരാമന്റെ നേതൃത്വത്തില് പോലീസ്സംഘം ക്ഷേത്രത്തിലെത്തി അന്വേഷണം നടത്തി. ഫോറന്സിക് വിരലടയാള വിദഗ്ധര് സ്ഥലത്തെത്തി തെളിവുകള് ശേഖരിച്ചു. പോലീസ് നായ റിങ്കോയും എത്തിയിരുന്നു. ഡിവൈ.എസ്.പി കെ. സുദര്ശന്, സി.ഐ അസൈനാര്, എസ്.ഐ ഹനീഫ തുടങ്ങിയവരുടെ നേതൃത്വത്തില് രാവിലെത്തന്നെ പോലീസ് സംഘം സ്ഥലത്തെത്തിയിരുന്നു. കെ. മുഹമ്മദുണ്ണി ഹാജി എം.എല്.എയും സ്ഥലം സന്ദര്ശിച്ചു. തൃശ്ശൂരില്നിന്ന് സയന്റിഫിക് അസിസ്റ്റന്റ് ഉണ്ണികൃഷ്ണന് വൈകീട്ടെത്തി പരിശോധിച്ചു.
nb..jpg)
ee news eecha copiyadi ennu parayam ee site onnu nokkoo
http://www.mathrubhumi.com/malappuram/news/1313615-local_news-kondotti-%E0%B4%95%E0%B5%8A%E0%B4%A3%E0%B5%8D%E0%B4%9F%E0%B5%8B%E0%B4%9F%E0%B5%8D%E0%B4%9F%E0%B4%BF.html