മോങ്ങം:മലപ്പുറം മണ്ഡലത്തിലെ ഇടതു പക്ഷമുന്നണി സ്ഥാനാര്ത്ഥി മഠത്തില് സാദിഖലിയെ വന് ഭൂരിപഷത്തോടെ വിജയിപ്പിക്കണമെന്ന് ജനതാദള് ദേശീയ സെക്രടറി ഡാനിഷ് അലി അഭ്യര്ത്ഥിച്ചു. ഇന്ത്യയിലെ മുസ്ലിങ്ങള് ഒന്നടങ്കം കോണ്ഗ്രസ്സിനെ കൈയ്യൊഴിഞ്ഞ ഈസമയത്ത് കേരളത്തില് മുസ്ലിം ലീഗ് മാത്രമാണ് കോണ്ഗ്രസ്സിന്റെ കൂടെ നില്ക്കുന്നതെന്ന് ഡാനിഷ് അലി പ്രസ്താവിച്ചൂ. മലപ്പുറം മണ്ഡലം ഇടതുമുന്നണി സ്ഥാനാര്ത്ഥി മഠത്തില് സാദിഖലിയുടെ തിരഞ്ഞെടുപ്പ് പ്രചാരണാര്ത്ഥം മോങ്ങത്ത് നടന്ന പൊതു സമ്മേളനത്തില് സംസാരിക്കുകയായിരുന്നു അദ്ദേഹം. ഇടതു മതേതര കക്ഷികള്ക്ക് ശക്തി പകരാന് ന്യൂനപക്ഷങ്ങള് തയ്യാറാവണം അല്ലാഞ്ഞാല് അവരുടെ അസ്ഥിത്വം ചോദ്യം ചെയ്യാന് ഇവിടത്തെ വര്ഗ്ഗീയവാദികളും കോണ്ഗ്രസ്സും മുന്നിലുണ്ടാവുമെന്ന് ഉത്തരേന്ത്യയിലെ അനുഭവങ്ങള് ഓര്മ്മപ്പെടുത്തി ഡാനിഷ് അലി വിശദീകരിച്ചു.
ഞായറാഴ്ച്ച വൈകിട്ട് അഞ്ച് മണിക്ക് തുടങ്ങിയ പൊതുയോഗം ജനസാന്നിദ്ദ്യം കൊണ്ട് ശ്രദ്ദേയമായി. പ്രമുഖ വാഗ്മികളായ മുന് എം.പി ടി.കെ ഹംസ, ബഷീര് കൂട്ടായി, മോഹന്ദാസ്, സ്ഥാനാര്ത്ഥി സാദിഖലി, സി.മുഹമ്മദ് കുട്ടി എന്നിവര് പ്രസംഗിച്ചു. കാഥികന് തൃകളം കൃഷ്ണന് കുട്ടിയും സംഘവും അവതരിപ്പിച്ച “എല്ലാം കണക്കല്ല” എന്ന രാഷ്ട്രീയ ഗാനമേള സമ്മേളനത്തിനു കൊഴുപ്പേകി. ഗ്രാമ പഞ്ചായത്ത് മെമ്പര് ബി.കുഞ്ഞുട്ടി അദ്ധ്യക്ഷത വഹിച്ചു.
nb..jpg)
തീര്ച്ചയായും ഞങ്ങളുടെ ഓരോ വോട്ടും സാതിപ്പാക്ക് തന്നെ ആയിരിക്കും !