മൊറയൂര് : മൊറയൂര് റോയല് റയിന്ബോ അഖിലേന്ത്യാ സെവന്സ് ഫുട്ബോളിന്റെ സെമി ഫൈനല് മത്സരത്തില് ഫ്രന്റ്സ് വെള്ളുവമ്പ്രത്തിന് ജയം. ലീഗ് അടിസ്ഥാനത്തില് നടക്കുന്ന മത്സരത്തില് ഒന്നിനെതിരെ മൂന്ന് ഗോളുകള്ക്കാണ് വെള്ളുവമ്പ്രം മെഡിഗാര്ഡ് അരീക്കോടിനെ പരാജയപ്പെടുത്തിയത്. കളിയുടെ തുടക്കം മുതല്ക്കു തന്നെ അരീക്കോട് മികച്ച കളിയാണ് കഴ്ച്ച വെച്ചത്. ആദ്യ പകുതിയില് അരീക്കോട് വെള്ളുവമ്പ്രത്തിനെതിരെ ഒരു ഗോള് സ്കോര് ചെയ്തതോടെ വെള്ളുവമ്പ്രം ഒന്നു കൂടി ഉണര്ന്നു കളിച്ചു. ആദ്യ പകുതി അവസാനിക്കുമ്പോള് ഇരു ടീമുകളും 1 - 1 എന്ന സ്കോറില് സമനിലയില് പിരിഞ്ഞു. രണ്ടാം പകുതിയില് വെള്ളുവമ്പ്രത്തിന്റെ കളിക്കാര് ഗ്രൌണ്ടില് നിറഞ്ഞാടുന്ന കാഴ്ച്ചയായിരുന്നു കാണാന് കഴിഞ്ഞത്. തുടരെത്തുടരെയുള്ള ആക്രമണങ്ങളില് രണ്ട് ഷോട്ടുകള് കൂടി ഗോളിയേയും മറികടന്ന് പോസ്റ്റിനുള്ളില് പതിച്ചതോടെ റോയല് റയിന്ബോ അഖിലേന്ത്യാ സെവന്സ് ഫുട്ബോളിന്റെ ആദ്യ സെമിയില് 3 -1 എന്ന സ്കോറില് ഫ്രന്റ്സ് വെള്ളുവമ്പ്രം മുന്നിട്ട് നിന്നു. വെള്ളുവമ്പ്രത്തിന്റെ കളി കാണാന് ആര്ത്തിരമ്പുന്ന ജനസാഗരങ്ങള് ഗാലറിയും നിറഞ്ഞു കവിഞ്ഞ് ഗ്രൌണ്ടിന്റെ ത്രോലൈനുകളീല് നിന്നു കൊണ്ടാണ് കളിയുടെ ആദ്യാവസാനം വരെ കളി വീക്ഷിച്ചിരുന്നത് .
nb..jpg)
0 അഭിപ്രായ(ങ്ങള്):
ഒരു അഭിപ്രായം പോസ്റ്റ് ചെയ്യൂ